Romani

Šukar aljen ko Järnvägsmuseet ki Gävle. Celo Švedskako Järnvägsmuseet.

O Järnvägsmuseet paljem ka phravdžol ko nilaj ko 2024. berš, palo so hine phanlo nekobor berša sebepi o renoviribe. Tu sar gosto ka dikhe jekh nevi izložba, jekh nevo butik hem o restorani kuri šaj te bešel pe avrijal. Jekh nevi igraonica hem igralište avrijal adžičeri e najtiknen. Ki izložba isi hem diso so vičini pe "e čhavorikani staza". Avrijal paše uzo muzeji šaj te dikhen sar izgledija i purani železničko stanica hem šaj te čheljen o purane igre ki kabina kuri bešlja o čuvari. Hem naravno, dikhen hem o fensi lokomotive, vozija hem vagonija.

Tuče kase niked nane dosta te dikhe o vozila ko muzeji manga te preporučina amari hala e vordandže, Tåghallen. Ked tani sezona, o železnička autobusija vozinena ando muzeja dži o Tåghallen hem odova khuvela ki cena.

I železničko kolekcija ko Järnvägsmuseet ičeri internacionalno nivo hem isi pobuter ando 300 vozilija ando maškar ando 19. veko dži avdije. Ki odija kolekcija isi, maškaro avera, hem o Prins August, kova tani najpurani lokomotiva ko sveto koja šaj pana te vozini pe. O Järnvägsmuseet organizujini istorijska putujiba vozeja ki celo amari dlogo phuv.