Rautatiemuseo

Tervetuloa koko Ruottin rautatiemysehoon!

Ota ossaa rautatien kylttyyriaartheista ja näe rautatien merkityksen Ruottin kehitykselle. Gävlen Rautatiemyseossa hoijethaan yks mailman parhaimista rautatiekokoelmista. Rautatiemyseolla oon paljon tarjoamista. Kesäsesonkina tarjothaan kokopäivän ohjelman, missä oon niin paljon rautatietä ja histuuriata ko sie jaksat kokea. Rautatieparkissa asemahuone ja ratavahinkämppä oon auki, miinijuna rullaa ja sie saatat ottaa relsipyssin Junahallile missä oon mailmanluokkanen ajovehen kokoelma. Myseossa oon näyttelyn lisäksi leikkihuone, kauppa, ruokala ja ruokalaukkuvaunu, missä saattaa syö oman ruokalaukun. Rautatiemyseo aijaa kans histuurisia junia monheen eri paikhaan maassa. Joka vierailu oon reisu läpi aikojen ja paikkojen missä sinun kokemukset jättävä jälkiä. Kaikki kuuluu sisälemaksoon.

Käy rautatiemyseossa

Aukiolo ja hinnat

19 aykystiä 2024 – 22 jyyniä 2025

tiistai – pyhä: kello 11.00 – 17.00

Täyet: 100 kr, lapset ja nuoret alle 19 vuotta ilhmaisesti.

23 jyyniä – 17 aykystiä 2025

maanantai – pyhä: kello 11.00 – 17.00

Täyet: 160 kr, lapset ja nuoret alle 19 vuotta ilhmaisesti.

Kiini:

24 tesemperiä 2024 Jouluaatto

25 tesemperiä 2024 Joulunpyhä

31 tesemperiä 2024 Uuenvuenaatto

1 janyaaria 2025 Uuenvuenpäivä

20 jyyniä 2025 Juhanesaatto

21 jyyniä 2025 Juhanespyhä

Aukiolo Pipliuteekki

Auki joka keskiviikko kello 11 – 15. Jos sie halvat tulla eri aijala sie saatat ottaa yhtheyttä Christina Engströmin kans sähköpostin kautta: christina.engstrom@smtm.se

Meän fyysinen pipliuteekki Gävlessä oon referensipipliuteekki mistä ei saata lainata. Mutta tervetuloa sinne istumhaan ja lukheen. Rautatiemyseon pipliuteekin atressi oon Karlsborgsgatan 1, Gävle.

Aukiolo Junahallissa

Junahalli oon kiini tälle sesonkile. Näkemiin taas tulavanna kesänä!

Lue lissää aukiolosta: https://www.jarnvagsmuseet.se/en/visit/tickets-and-prices

Ennen vierailua ja vierailun aikana

Valokuuaaminen

Valokuuaaminen ja filmaus oon lualista privattikäythöön.

Elläimiä

Koirat saava tulla ulkoalueele Rautatieparkissa mutta ei sisäle mysehoon. Poikkeus jällaa apuelläimille joila oon erityinen toistus.

Tualetit

Tualetit ja hoitopöyät oon sisälemenon lähelä. 

Säilytys

Säilytyskaappia ulkovaatheile ja pienemille väskyile vierailun aikana löytyy. Ole hyvä ja älä ota isompia väskyjä sisäle mysehoon, ko meilä ei ole säilytyspaikkaa niile.

Lue lissää: https://www.jarnvagsmuseet.se/en/visit/plan-your-visit

Ruokaa & juomaa

Aukiolo Ruokala Höyrypannu/Ångpannan

19 aykystiä 2024 – 22 jyyniä 2025

tiistai – pyhä: kello 11.00 – 17.00. Päivän ruoka kello 11.00 – 13.30.

23 jyyniä – 17 aykystiä 2025

maanantai – pyhä: kello 11.00 – 17.00. Päivän ruoka kello 11.00 – 13.30.

Lue lissää Ravintolasta Höyrypannu: https://www.jarnvagsmuseet.se/en/visit/restaurant-angpannan

Löyä Rautatiemysehoon

Rautatiemyseon atressi oon Rälsgatan 1, Gävle. Sie pääset sinne monela eri laila. Löyä Rautatiemysehoon: https://www.jarnvagsmuseet.se/en/about-the-swedish-railway-museum/getting-here

Kesäsesonkina sie saatat mennä relsipyssilä myseon ja Junahallin välilä.

Viehraat joila oon liikuntavammaa

Rautatiemyseo pyrkii olheen saapuvilla kaikile ja tekkee aina parantamistyötä. Apukoirat oon tervetulheita. Lue lissää saapuvaisuuesta myseossa: https://www.jarnvagsmuseet.se/en/visit/accessability

Ryhmävierailuja

Erikokoset ryhmät oo tervetulheita. Met toivoma tilauksen etukätheen ette met saatama antaa parhaiman palvelun vierailun aikana. Ota yhtheyttä ja tillaa bokning@jarnvagsmuseet.se.